Осы күні музей-қорық қызметкерлері «Бозоқ» археологиялық паркінің аумағында қар мен қоқысты тазалау жұмыстарын ұйымдастырды. Сенбіліктің мақсаты – тек тазалықты сақтау ғана емес, сонымен қатар ашық аспан астындағы Ұлттық парктің экожүйесінің табиғи тепе-теңдігін қорғау. Ата-бабаларымыз ежелден табиғатпен үйлесімді өмір сүріп, қоршаған ортаға қамқорлықпен қарап, туған жеріне деген құрметті ұрпақтан-ұрпаққа аманат етіп қалдырған.
Көктемгі су тасқынының алдында өткізілген бұл эстафета – тек маңызды экологиялық шара ғана емес, сонымен бірге елдің болашағына деген жанашырлықтың және қоғамның бірлігінің белгісі. Осындай бастамаларға қатысу экологиялық мәдениетті қалыптастырып, табиғи мұраны сақтауға деген жауапкершілікті арттырады және адамның қоршаған ортамен үйлесімді өмір сүруінің маңыздылығын еске салады.
«Бозоқ» музей-қорығының ұжымы баршаңызды «Тазару күні» мерекесімен құттықтап, туған жеріміздің экологиясын сақтауға үлес қосуға шақырады. Тазалық, табиғатқа қамқорлық және туған жерге деген құрмет бір реттік шаралармен шектелмей, экологиялық сананың берік негізіне және күнделікті өміріміздің ажырамас бөлігіне айналсын!
