Previous
Next
«Бозоқ» мемлекеттік тарихи-мәдени музей-қорығында
«Тарих ғылымы және музей тәжірибесі: сын-тегіндер мен болашақ мүмкіндіктер» тақырыбында дөңгелек үстел ұйымдастырылды.
Іс-шараға жетекші ғалымдар, музей мамандары және елордалық тарих пәнінің мұғалімдері қатысып, өзара тәжірибе алмасты.Кездесу барысында музей-қорық директоры Жандос Бекділдәұлы 2026 жылы Қазақстан Президенті Қасым-Жомарт Кемелұлы Тоқаевтың бастамасымен мәдениет пен ғылымға қосқан үлесті ынталандыру мақсатында жаңа мемлекеттік наградалардың енгізілгенін атап өтті. Атап айтқанда, «Қожа Ахмет Ясауи» және «Әл-Фараби» ордендері жас ғалымдардың ынтасын арттыруға ықпал ететінін жеткізді.Тарих ғылымдарының докторы Бүркітбай Аяған тарихи ғылымның қазіргі даму бағыттары мен қоғам сұранысына сай жаңаша көзқарастың маңызын атап өтті.Ал музей-қорықтың бас ғылыми қызметкері Зубайда Қабиқызы музей кеңістігінде материалдық емес мәдени мұраны жаңғырту, дәстүр мен құндылықтарды заманауи форматта насихаттаудың маңыздылығына тоқталды. Сонымен қатар 2019 жылдан бері музей-қорықта дәстүрлі «Қымызмұрындық», «Сірге жияр» мерекелері мен «Ашамай» салтын ғылыми негізде насихаттау тәжірибесі туралы баяндады. Қатысушылар ғылым, музей және білім беру салаларының байланысын нығайту жолдарын талқылады.Іс-шараға қатысқан Астана қаласының педагогтарына, сондай-ақ Целиноград ауданы, Қараөткел ауылы IT мектеп-лицейінің мұғалімен оқушыларына алғыс білдіреміз!
