Іс-шараның қонағы – қазақ жазушысы, журналист, аудармашы, Қазақстан Жазушылар одағының мүшесі, Қазақстанның еңбек сіңірген қайраткері, халықаралық «Алаш» әдеби сыйлығының лауреаты Шәрбану Қонақбайқызы Бейсенова болды.

Кездесу барысында қаламгер отбасы тәрбиесі, ұлттық құндылықтар мен ұрпақ сабақтастығы туралы ой бөлісіп, өз тәжірибесінен мысалдар келтірді. Сонымен қатар «Бозоқ аруы» кітабының жазылу тарихы мен оның мазмұны туралы айтып, шығарманың негізгі идеясына тоқталды.

Дөңгелек үстелге Қазақстан Республикасының Ұлттық музейі мен Геральдикалық зерттеу орталығының ғылыми қызметкерлері мен Астана қаласының мұғалімдері қатысты. Іс-шара барысында қатысушылар өз пікірлерін білдіріп, сұрақтар қойып, мазмұнды пікір алмасу өтті.