2023 жылғы 9-13 қазанда ҚР МАМ «Бозоқ» мемлекеттік тарихи-мәдени музей-қорығының директоры Сәуле Бөкейханқызы Бурбаева Әзірбайжан Республикасы Баку қаласында «Елді мекен және тұрақты мұра-қалалар» халықаралық конференциясының жұмысына қатысуда. Іс-шараны «Ичеришехер» мемлекеттік тарихи-архитектуралық қорығының басқармасы және түркі мемлекеттерінің ұйымы ұйымдастыруда.

Халықаралық конференцияда тарихи қалаларды басқару, археология ескерткіштерін сақтау және қалпына келтіру, сондай-ақ тұрақты туризм, тарихи қалалар мен қорықтардағы цифрлық трансформация, музей жұмысын ұйымдастыру мәселелері бойынша пікірталастар жүргізілуде.

Түркі халықтары музей-қорықтарының Дүниежүзілік Ұйымы құрылды. Отырыс екі жылда бір рет Ұйымға қатысушы елдерде өтеді. Қазақстан Республикасынан «Бозоқ» және «Есік» музей-қорықтары кірді.

Келесі отырыс Қазақстанда өтеді.

Конференцияда тарих және мәдениет нысандарының фотокөрмесі ұсынылды. Бозоктың суреттері қызығушылық тудырды. Автор: Бекен Жапаров.

Конференцияның барлық қатысушыларына шығармашылық табыс тілейміз!