2025 жылғы 28 қаңтарда «Бозоқ» Мемлекеттік тарихи-мәдени музей- қорығы алаңында қазақтың әйгілі жазушысы Ілияс Есенберлиннің 110 жылдық мерейтойына арналған республикалық дөңгелек үстел өтті. «Ілияс Есенберлиннің шығармаларындағы тарихи мұра» атты іс-шарада жазушының «Көшпенділер» және «Алтын Орда» сияқты көрнекті шығармалары талқыланды. Бұл туындылар қазақ халқының тарихындағы маңызды кезеңдерді айқын бейнелейді.
Дөңгелек үстелдің жұмысына І. Есенберлин атындағы Мемориалдық музейдің директоры Ұлболсын Даниярқызы Комбатурова (Ақмола облысы, Атбасар ауданы) қатысты. Ол өз баяндамасында жазушының өміріне, шығармашылық мұрасына, сондай-ақ жазушының музейінің ашылуына және оның тарихи-көркем туындыларынын насихатталуына ерекше назар аударды.
«Бозоқ» музей-қорығының бас инспекторы Жанболат Асқарұлы Қазанбаев Ілияс Есенберлиннің қазақ әдебиетін дамытудағы рөлі мен оның әлемдік қауымдастықтағы қазақ мәдениетін қабылдауына әсерін талқылады. Дөңгелек үстелге зиялы қауым, ғылыми қауымдастық өкілдері және №91 мектеп оқушылары қатысты. Шара аясында Ілияс Есенберлиннің жеке заттарынан ұйымдастырылған көрме өткізілді (заттар І. Есенберлин атындағы музей тарапынан ұсынылған).
Дөңгелек үстелге қатысқан және ынтымақтастық көрсеткен І. Есенберлин Мемориалдық музейінің директоры У.Д. Комбатуроваға алғысымызды білдіреміз!
