2025 жылдың 12 желтоқсаныңда «Бибігүл Төлегенова атындағы Креативті мектептің» 4-сынып оқушылары «Бозоқ» мемлекеттік тарихи-мәдени музей-қорығына келді. Экскурсия барысында музей-қорықтың қызметкері Рысбереген Мұса балаларға археология ғылымының маңызы мен негізгі әдістері туралы қызықты ақпараттармен бөлісті.

Оқушылар Астана аумағында орналасқан көне археологиялық ескерткіштер туралы біліп, сондай-ақ «Бозоқ» музей-қорығының қорында сақталған бірегей жәдігерлермен танысты. Балалар үшін ежелгі қоныстар, қазба жұмыстары және тарихи мұраның сақталуы туралы танымдық әрі әсерлі әңгіме ұсынылды.

Кіші жасөспірімдерге арналған бұл экскурсия олардың туған өлке тарихына деген қызығушылығын арттырып, мәдени-тарихи мұраға деген құрмет сезімін қалыптастыруға ықпал етті.