2026 жылғы 2–6 қараша аралығында Түркі археологиясы және мәдени мұра институтында Түркі әлеміндегі археологиялық қазба жұмыстарының нәтижелеріне арналған І халықаралық конференция өтуде.
4 қарашада өткен секциялық отырыста Ә.Х. Марғұлан атындағы Археология институтының ғылыми хатшысы, «Бозоқ» мемлекеттік тарихи-мәдени музей-қорығының жетекші ғылыми қызметкері Айнагүл Сабитқызы Ганиева «Далалық археология және тарихи-мәдени мұра нысандарын музейлендіру: Бозоқ тәжірибесі» тақырыбында баяндама жасады.
Баяндама Бозоқ тәжірибесі негізінде далалық археологиялық зерттеулер мен тарихи-мәдени мұра нысандарын музейлендіру мәселелеріне арналды. Халықаралық ғылыми алаңда осы тәжірибені таныстыру Бозоқ мұрасын кеңінен насихаттауға және археологиялық ескерткіштерді сақтау мен музейлендіру бағытында кәсіби тәжірибе алмасуға мүмкіндік береді.
