Көрісу – сыйластық пен бірліктің, үлкенге құрмет пен кішіге ізеттің белгісі. Ұлыстың ұлы күні – Наурыз мерекесінің бастауын білдіретін бұл күн халықты татулыққа, мейірімділікке және жақындыққа үндейді. Осыған орай, Ұлттық музейде Көрісу күніне арналған іс-шара өтті. Аталған шара аясында «Бозоқ» мемлекеттік тарихи-мәдени музей-қорығының қызметкерлері арнайы барып, әріптестерін мерекемен құттықтады. Іс-шара барысында ұлттық дәстүр дәріптеліп, қонақтар бір-бірімен көрісіп, жылы лебіздерін білдіріп, мерекелік көңіл-күймен бөлісті. Баршаңызды Көрісу күнімен құттықтаймыз! Ақ мол болып, жылымыз берекелі болсын!