Іс-шараның мақсаты: өз елінің тарихын зерделеу арқылы өскелең ұрпақтың тарихи-мәдени мұрасын дәріптеу және рухани мәдениетін қалыптастыру. Сабақ барысында балалар Қазақстан Республикасы Мәдениет және ақпарат министрлігінің қолдауымен құрылған "Бозоқ көне қалашығының археологиялық қазбалары негізінде ашық аспан астындағы Ұлттық саябақты құру" жобасы туралы фильммен танысты. "Бозоқ" музей-қорығының ғылыми қызметкері Жамболат Қазанбаев оқушыларды тарих, өнер және мәдениет әлемімен таныстырды, ал музей қызметкерлері Құлжанова Бақыткүл Темірбайқызы мен Сыдығалиев Сұңқар көлемді макет негізінде ұлттық парк құру жобасы туралы айтып берді.
Музей сабағы оқушылардың Қазақстан тарихы бойынша білімдерін кеңейту мүмкіндігіне айналып қана қоймай, мәдени мұраға деген сүйіспеншілікті қалыптастыруға ықпал етті. Сабақ әр оқушы үшін пайдалы болды деп үміттенеміз! Ашық аспан астындағы Ұлттық саябақты құру жобасы болашақта елорда тұрғындары мен қонақтары үшін маңызды мәдени орталыққа айналады, сондай-ақ ішкі және халықаралық туризмнің өсуін қамтамасыз етеді
