Іс-шараға тарих ғылымдарының докторы, профессор Бүркітбай Ғелманұлы Аяған жаңа Конституцияға енгізілген өзгерістер мен толықтырулар туралы жан-жақты мәлімет берді. Ол конституциялық реформалардың мәні, олардың елдің саяси жүйесін жаңғыртудағы рөлі, сондай-ақ азаматтық қоғамды дамытудағы маңызына кеңінен тоқталды.

Кездесу барысында құқықтық мемлекет қағидаттары, адам құқықтары мен бостандықтарын қорғау, заң үстемдігін қамтамасыз ету мәселелері талқыланды. Қатысушылар жаңа Конституцияның қоғамдағы әділдік пен тұрақтылықты нығайтуға бағытталғанын атап өтті.

Дөңгелек үстел ашық пікір алмасу форматында өтіп, қатысушылар өздерін толғандырған сұрақтарына нақты жауап алды. Іс-шара құқықтық сауаттылықты арттыруға және Ата Заңның маңызын терең түсінуге ықпал етті.