Іс-шара «Көне Бозоқ қалашығының археологиялық қазбалары негізінде ашық аспан астындағы Ұлттық парк құру» жобасының жаңартылған тұжырымдамасын таныстыруға арналған.

Жобаның мақсаты – энеолиттен этнографиялық кезеңге дейінгі дала өркениетінің тарихи-мәдени мұрасын сақтау және насихаттау.

Президент Қ. Тоқаевтың сөзінше, көшпенділер өркениетінің мұрасын ұлықтау – өткенді еске алу ғана емес, мәдениеттер мен дәуірлерді біріктірудің символы.

Конференцияда қатысушылар «Бозоқ» жобасының жаңартылған тұжырымдамасын талқылап, ғылыми зерттеу нәтижелері мен даму бағыттарын айқындайды. Археологтар Кемел Ақышев пен Марал Хабдулина жүргізген қазбалар кезінде Жошы Ұлысы дәуіріне тән элиталық кесенелер мен жауынгер әйел «Інжу» жерлеуі табылған. Бұл Бозоқтың Алтын Орда кезеңіндегі маңызды орталық болғанын дәлелдейді.

Конференция жұмысына жетекші отандық және шетелдік ғалымдары, тарихшылар, археологтар, этнологтар, сәулетшілер, суретшілер, дизайнерлер, жоғары оқу орындарының оқытушылары мен студенттері, педагогтар және қоғам өкілдері қатысады.

Өтетін орны:ҚР Ұлттық музейі, ғылыми кітапхана залы. Астана қ., Тәуелсіздік даңғылы, 54.

Қосымша ақпарат алу үшін байланыс телефондары:

+ 7 (7172)999-062; Е-mail: kymbatbakytzhanovva@gmail.com