Қазақстан Республикасының Мәдениет және ақпарат министрлігі Мәдениет комитетінің «Бозоқ» мемлекеттік тарихи-мәдени музей-қорығы «Музейге сый» республикалық акциясын қолдап, музей кітапханасын құнды әдебиеттермен толықтырған «Фолиант» баспа үйінің ұжымына шынайы алғыс білдіреді.
Бұл қолдау тарихи-мәдени және этнографиялық мұраны сақтау, дамыту және оны көпшілікке кеңінен насихаттау ісіне жаңа серпін берді. Ұлттық құндылықтарды дәріптеуге және жас ұрпаққа рухани тәрбие беруге бағытталған еңбектеріңіз халқымыздың мәдени дамуына қосылған елеулі үлес болып табылады. «Бозоқ» музей-қорығы алдағы уақытта да осындай бірлескен игі бастамаларды жалғастыруға дайын екенін жеткізеді және шығармашылық табыс тілейді.
