Биылғы Халықаралық музейлер күнінің тақырыбы - "Музейлер, білім және ғылыми зерттеулер". Ол мәдени институттардың біртұтас білім беру тәжірибесін қамтамасыз етудегі шешуші рөлін атап көрсетеді және саналы, тұрақты және инклюзивті/алуан түрлі әлем құруға итермелейді.

Музей мерекесіне Астана қаласының №22 мектеп-гимназиясының және Ақмола облысы Целиноград ауданы Қараөткел кентінің орта мектеп-гимназиясының білім алушылары қатысты. "Бозоқ әлеміне саяхат" музей мерекесін "Бозоқ" музей-қорығының директоры, п ғ. к. Бурбаева Сәуле Бөкиейанқызы ашып, балаларды ұлттық парк құру жобасымен таныстырды және "Бозоқ"паркінің көлемді макеті бойынша экскурсия өткізді. Оқушыларға балалар шығармашылық студиялары ұйымдастырылды.

Беспалинов Әлішер Тілеуғазыұлы, директордың орынбасары, суретші-өнертанушы, ҚР Суретшілер Одағының мүшесі "Шығармашылық шеберханада" балаларға бейнелеу өнерінің негіздерін үйретті.

"Анимация-өнер түрі ретінде" анимациялық суреттерін жасау бойынша шеберлік сабағын суретші – фотограф Жапаров Бекен Байзақұлы өткізді.

Сыдығалиев Сұңқар Маратұлы Қазақстанның тарихи-мәдени мұрасын дәріптеу бойынша "Мәдени мұра"интерактивті музей сабағын дайындады. Балалар тарих пен мәдениетті білуге арналған викториналар мен конкурстарға қатысып қана қоймай, тарих ескерткіштері туралы қосымша ақпарат алды.

Бақытжанова Қымбат Бақытжанқызы оқушыларды археологиямен таныстырып, "ғажайып қазбалар"шеберлік сыныбын өткізді. Ежелгі дәуірдің құпияларын ашып, артефактілермен камералдық жұмыстың негіздерімен таныстырды.

Артефактіні зерттей отырып, білім алушылар өздері үшін жаңа білім беру мақсаттарын тұжырымдайды және оларға жету жолдарын дербес жоспарлайды.

Музей мерекесінің соңында әр қатысушы сыйлық ретінде дәптер мен қалам алды. Музей жұмысымен танысқан балалардың ынталы жүздерін көру өте қуанышты болды.