Ақышев атындағы Археология ғылыми-зерттеу институтының директоры Марал Хабдулина Кемал Ақышевтың өмірі мен ашқан жаңалықтары, жеке заттары, музыка мен әдебиетке бейімділігі туралы әңгімеледі. Кемал Ақышевтың шәкірттері мен әріптестері, қазіргі кезде өз заманының жетекші археологтары Зайнолла Самашев, Арман Бейсенов, Жәкен Таймағамбетов естеліктерімен бөлісті.

Директордың қор қызметі жөніндегі орынбасары Абай Сатубалдин Қ.Ақышев атындағы зал Л.Н.Гумилев ЕҰУ-дің тарих факультеті мен ҚР Ұлттық музейі арасындағы байланыстырушы көпір қызметін атқаратынын атап өтті. Мұнда семинарлар, конференциялар, білім беру курстары өтеді, сонымен қатар студенттер, зерттеушілер ғалымның құжаттары мен кітаптарына қол жеткізе алады.

Шараға Л.Н. Гумилев атындағы ЕҰУ тарих факультетінің археология және этнология кафедрасының меңгерушісі - Ұлан Үмітқалиев, Әл-Фараби атындағы ҚазҰУ археология бөлімінің меңгерушісі - Ринат Жұматаев, Бозоқ музей-қорығының ғылыми хатшысы – Айнагүл Ғаниева, Нұр-Сұлтан қаласындағы Ә.Марғұлан атындағы Археология институты филиалының директоры– Азат Айтқали қатысты. Іс-шара достық және жылы атмосферада өтті, қонақтар арасында музейлердің ғылыми қызметкерлері, студенттер мен магистранттар да болды.