Аталған шараның басты мақсаты — оқушылардың тарихи сана-сезімін қалыптастыру, ұлттық мұраны құрметтеуге тәрбиелеу және археологиялық ескерткіштердің маңызын ұғындыру болды.
с-шара барысында музей-қорықтың ғылыми хатшысы МЫСЫР ОЛЖАС ДӘУРЕНҰЛЫ, бас инспектор ҚАЗАНБАЕВ ЖАНБОЛАТ АСҚАРҰЛЫ және ғылыми қызметкер КУАНДЫКОВА ГУЛЬНАЗ тақырыптық баяндамалар жасап, БОЗОҚ қалашығының археологиялық, тарихи және мәдени маңызы жөнінде жан-жақты ақпарат ұсынды.
Баяндамаларда ортағасырлық БОЗОҚ қалашығының Еуразия кеңістігіндегі тарихи орны, оның геостратегиялық маңызы мен Ұлы Дала өркениетіндегі рөлі туралы деректер келтірілді. Сонымен қатар оқушыларға археологиялық зерттеу әдістері мен ескерткіштерді сақтау мәселелері жөнінде мәліметтер беріліп, «БОЗОҚ» музей-қорығының негізгі ғылыми бағыттары таныстырылды.
Мұндай танымдық іс-шаралар өскелең ұрпақтың тарихи-мәдени мұраға деген қызығушылығын арттырып, олардың отансүйгіштік қасиеттерін дамытуда маңызды рөл атқарады.
