Сұхбат барысында оқушылар Бозоқ қалашығының ежелгі тарихы, археологиялық зерттеу әдістері, тарихи-мәдени мұраны сақтау және музейлендіру мәселелері туралы терең мағлұмат алды. Сонымен қатар, сұхбат ғылым мен білімнің сабақтастығы, зерттеушілік дағдыларды қалыптастыру және тарихи сананы дамыту бағытындағы маңыздылығымен ерекшеленді.

Көне Бозоқ – Еуразия даласындағы ортағасырлық қала мәдениетінің көрнекті ескерткіші ретінде, елорданың тарихи бастау көзін айқындайтын археологиялық нысан. Мұндай жобалар жас буын өкілдерінің тарихи танымын кеңейтіп қана қоймай, олардың зерттеушілік әлеуетін дамытып, ғылыми ізденіске баулиды.