Іс-шара аясында қатысушылар жоба кеңсесіне барып, этнографиялық дәріске қатысты. Аға ғылыми қызметкер ЕРБОЛАТ ЖАҚСЫБЕКҰЛЫ РАХМАНҚҰЛОВ экскурсияны жүргізіп, ашық аспан астындағы «Бозоқ» Ұлттық паркін құруға арналған тарихи-мәдени жобаның макеті туралы егжей-тегжейлі баяндады. Ол тарихи-мәдени реконструкция нысандарының коммерциялық аспектілеріне және студенттердің мәдени мұраны ілгерілету мен танымал етуге қатысу мүмкіндіктеріне ерекше назар аударды.
Тарихи-мәдени мұра ескерткіштерін қорғау бөлімінің бас инспекторы ЖАНБОЛАТ АСҚАРҰЛЫ ҚАЗАНБАЕВ музей-қорықтың этнографиялық зерттеулеріне арналған МУЗЕЙЛІК ДӘРІС өткізді. Іс-шараға қатысушылар Көне Бозоқ қалашығы аумағынан табылған артефакттармен танысты. Арнайы «Арт-менеджмент» және «Өнертану» мамандықтарының студенттері үшін Жанболат Асқарұлы этнография негіздері мен музей кеңістіктерін басқарудың заманауи тәсілдері туралы айтып, бұл салада мәдениет пен өнер өкілдерінің өзара әрекеттесуінің маңыздылығын атап өтті.
«БОЗОҚ» музей-қорығы тарихи-мәдени мұраны насихаттау бойынша белсенді жұмысын жалғастырып, өнер саласындағы мекемелер мен өкілдермен ынтымақтастық орнатуда. Ерекше назар мәдени және тарихи шынайылықты қамтамасыз етуге ғана емес, сонымен қатар тарихи-мәдени реконструкция нысандарын сауатты коммерцияландыру мәселелеріне де аударылады. Жобаның басым міндеттерінің бірі – мәдени мұраны насихаттау саласында жастарға жұмыс орындарын құру.
Қазақ ұлттық хореография академиясының студенттері мен оқытушылары ұсынылған жобаны жоғары бағалап, мәдени мұраны сақтау және насихаттау ісінде ынтымақтастыққа дайын екендіктерін білдірді. Мұндай тақырыптық экскурсиялар мен дәрістер білімді тереңдетіп қана қоймай, сонымен қатар жастардың ұлттық тарихқа деген қызығушылығын арттырып, мәдениет пен өнер саласындағы тұрақты кәсіби мотивацияны қалыптастырады.
