2025 жылдың 19 маусым күні “БОЗОҚ” музей-қорығында , ұлттық өнеріміздің көрнекті өкілі, Қазақстанның халық әртісі, дәстүрлі ән мектебінің шебері, «Қазақстанның Еңбек Ері» төсбелгісінің, «Алтын жұлдыз» ерекше айырмашылық белгісі мен «Отан» орденінің иесі Қайрат Әуекенұлы Байбосыновтың 75 жылдық мерейтойына арналған шығармашылық сұхбат өткіздік.

Кездесу барысында Қайрат Әуекенұлы өзінің өнер жолындағы естеліктерімен бөлісіп, дәстүрлі ән өнерінің терең мәні мен рухани маңызы туралы салиқалы ой-пікірлерін ортаға салды. Оның қазақ музыка өнеріндегі орны, ән мектебін жалғастырудағы еңбегі — жас буынға үлкен үлгі.

Кештің ерекшелігі – Қайрат ағаның шәкірті, талантты жас музыкант МЫҢБАЙ БЕК ортамызда, қазақтың төл аспабы – домбырамен бірнеше дәстүрлі Қайрат ағамыздың репертуарындағы шығармаларды орындады. Оның ішінде Ақан серінің терең сырлы «ІНКӘР-АЙ» әні мен Ақтілеу Сейілбектің әуезді «САРЫАРҚА» туындысы көпшілік көңілінен шығып,ерекше әсер сыйлады. Сонымен қоса ҚР Ұлттық музей қызметкері АРДАБИ МӘУЛЕТТЕқапы қалмай өз өнерін көрсетті

Бұл кеш — тек естелік қана емес, ұрпақтар сабақтастығының, дәстүр мен жаңғырудың көрінісі болды.