Бүгін "Бозоқ" мемлекеттік тарихи-мәдени музей-қорығында "Көктем келді! Ағаш отырғызуға асығайық" акциясы өтті.

Бүгін "Бозоқ" мемлекеттік тарихи-мәдени музей-қорығында "Көктем келді! Ағаш отырғызуға асығайық" акциясы өтті. ҚР Мәдениет және спорт министрлігі және Нұр-Сұлтан қаласы әкімдігінің қолдауымен өткен шара барысында археологиялық ескерткіш аумағында ағаш отырғызылды.

Акцияға мәдениет және спорт вице-министрі С.Жарасбаеві, музей қызметкерлері, Ә. Х. Марғұлан атындағы археология институты және Мемлекет тарихы институтының ғылыми қызметкерлері, Л.Н. Гумилев атындағы Еуразия ұлттық университеті археология және этнология кафедрасының оқытушылары, Нұр-Сұлтан қаласының жастар саясаты мәселелері басқармасы ("Жасыл Ел" жастар жобасы), "Аt-travel" ат клубы, сондай-ақ елорданың жалпы білім беретін мектептері мен колледждерінің оқытушылары мен білім алушылары қатысты.

Іс-шараның негізгі мақсаты қоғамның назарын тарихи-мәдени мұра мен экологияны сақтау проблемаларына аудару болды.

Сондай-ақ, ұйымдастырушылар өткен акцияның жақын маңдағы төл саябақ аймақтары жоқ Үркер шағын ауданының дамуына жағымды әсер ететініне сенімді.

Естеріңізге сала кетсек, ежелгі Бозоқ қалашығы Нұр-Сұлтан қаласының аумағында, Ильинка және Үркер ауылдарының арасында орналасқан.

Бұл археологиялық ескерткіш Ақмола облысының "Құмай", "Бытығай" ескерткіштерімен қатар елорданың киелі белдеуіне кіреді.

Поделиться

Share on facebook
Share on twitter
Share on linkedin