ҚР МАМ «Бозоқ» мемлекеттік тарихи-мәдени музей-қорығының базасында ғылыми бағдарлама шеңберінде дайындалған «Еуразия дала әлемінің қымыз мерекесі: лейтмотив, естелік және бірегейлік» кітабының (авторлары: Сураганова З. К., Романова Е. Н., Наурзбаева З.Ж.) рецензенттерінің бірі Ресей Ғылым академиясының этнология және антропология институтының Азия және Тынық мұхит зерттеулері орталығының меңгерушісі, тарих ғылымдарының докторы, профессор Наталья Львовна Жуковская. Н. Л. Жуковская өзінің шолуында былай деп жазады: «қымыз мерекелерінің дәстүрі этникалық мәдениетті оның материалдық, дүниетанымдық және символдық көріністерінде сақтаудың «ішкі» тетіктерін ашуға мүмкіндік береді. Кітап авторлары бүгінде қымыз мерекелері дәстүрлі мәдениеттің шығармашылық әлеуеті ретінде дала Еуразиясында тұратын барлық халықтардың рухани және мәдени-тарихи құндылықтарын біріктіреді деген маңызды қорытындыға келеді. Мерекенің қасиетті ландшафты «құдайлық» жадтың «қайтарылуының» аумағын көрсетеді. Бұл терең философия және дала әлемінің көп қырлы символдық ресурсы. Еуразия көшпенділерінің қымыз мерекесін жүйелі зерттеуге арналған кітап дала өркениетінің тарихы мен мәдениеті бойынша жаңа зерттеулер үшін кең көкжиек ашады, мұндай іргелі басылымның жарыққа шығуы тек Қазақстанда ғана емес, Ресейде де ғылыми қоғамдастықтың оқиғасы болмақ». Нәтижесінде көптеген жылдар бойы ғылымға қызмет еткен орыс моңғолтану матриархы, моңғолтанушы ғалым авторларға батасын берді: "Осы халықаралық жобаға Ақ жол!»