Су мен электр қуаты жеткізілді. Порталдар салынуда : оңтүстік және солтүстік, 3 бақылау-өткізу пункті; порталдардан қоршаулар орнатыла басталды; жол төсемі жасалуда. Біз ғалымдар аллеясын қорғап, суарудамыз. Алаңда Далалық семинарлар өткіземіз. Шетелдік ғалымдармен ( АҚШ, Чикаго) кездесулер өткізіліп, ынтымақтастық мәселелерін талқылаудамыз....Археологтар қазба жұмыстарына шықты. Ғылыми қызметкерлер тарихи - мәдени жобаларды сараптауға өңірлерге шығуда, ғылыми мақалалар жазуда. Жобаның барлық қатысушыларына табыс, шыдамдылық, сәттілік тілейміз !
2025 жылғы 12 қараша күні сағат 9:00-де ҚР Мәдениет және ақпарат министрлігінің Мәдениет комитетіне қарасты «Бозоқ» мемлекеттік тарихи-мәдени музей-қорығы, ҚР Ғылым және жоғары білім министрлігінің Ғылым комитетіне қарасты Ә.Х. Марғұлан атындағы Археология институты және Жошы ұлысын зерттеу жөніндегі ғылыми-зерттеу институты бірлесіп «Жошы Ұлысы дәуірінің мұралары контексіндегі “Бозоқ”: музейлік кеңістіктегі репрезентация мәселелері» атты халықаралық ғылыми-тәжірибелік конференция өткізеді.
Қараша 11, 2025
