Қонақтарға КӨНЕ БОЗОҚ қалашығының тарихы мен археологиялық зерттеулер нәтижелерін жетекші ғылыми қызметкер ҒАНИЕВА АЙНАГҮЛ СӘБИТҚЫЗЫ таныстырды. Ол сонымен қатар, болашақта салынатын жаңа музейдің концептуалдық макеті туралы толық ақпарат беріп, қалашықтың мәдени-ілімдік маңызы туралы әңгімелеп берді. ЭТНОГРАФИЯ залында тарихи-мәдени мұра нысандарын қорғау бөлімінің бас инспекторы ҚАЗАНБАЕВ ЖАНБОЛАТ АСҚАРҰЛЫ қазақ халқының тұрмыс-тіршілігіне, салт-дәстүрі мен қолөнеріне қатысты экспонаттарға шолу жасап, көрме қонағына терең танымдық мәліметтер ұсынды.

Мұндай кездесулер мамандар арасында ғылыми-танымдық ынтымақтастықты нығайтып, тарихи-мәдени мұра туралы білімді кеңінен насихаттауға мүмкіндік береді.