Кездесу барысында қонақтар музей-қорық аумағында жүзеге асырылуы жоспарланған жобамен танысты. Жобаның негізгі тұжырымдамасы мен даму бағыттары туралы «Бозоқ» мемлекеттік тарихи-мәдени музей-қорығы РМКҚ директорының міндетін атқарушы Алишер Беспалинов жан-жақты баяндады.

Археологиялық зерттеулердің маңызы, Бозоқ ескерткішінің тарихи құндылығы, жүргізіліп жатқан ғылыми жұмыстар мен болашақтағы жоспарлар жөнінде археолог Қажымұрат Төлегенұлы кеңінен ақпарат берді.

Кездесу ашық диалог форматында өтіп, тараптар музей-қорықты дамыту, тарихи-мәдени мұраны сақтау және оны кеңінен насихаттау бағытындағы өзара ынтымақтастықты нығайту мәселелерін талқылады.