ҚР МСМ Мәдениет комитетінің «Бозоқ» мемлекеттік тарихи-мәдени музей-қорығы 2023 жылғы 28 наурызда «TÜRKTAV» Түрік мәдениет қорымен ынтымақтастық туралы меморандумға қол қойды.

Аталмыш қордың жоба үйлестірушісі Лахаева Асель Төреханқызы «TÜRKTAV» қорының түрік мәдениеті мен мұрасын дүние жүзінде насихаттау және сақтау мәселелерімен айналысатындығын атап өтті. Аталмыш қор өзі құрылған 2000 жылдан бері түрік мәдени мұрасын терең түсіндіру мен таныту мақсатында Түркия мен басқа елдер арасында мәдени көпір орнату қызметін атқарып келеді.

«TÜRKTAV» түрік мәдениет қоры өзінің білім беру веб-сайттары арқылы түрік мәдениетін әлемге танытуда.

«Бозоқ» қорық-музейі мен TÜRKTAV түрік мәдениет қорының ынтымақтастығындағы ерекше басымдық ғылым, мәдениет және білім беру салаларына беріледі, бұл Тараптар үшін өте маңызды, екі жақта бұған мүдделі болғандықтан алдағы уақытта бірлескен іс-шаралар өткізу жоспарланатын болады.

Поделиться

Share on facebook
Share on twitter
Share on linkedin