Мемлекет Басшысы Қасым-Жомарт Кемелұлы Тоқаев өзінің «Тәуелсіздік бәрінен қымбат» бағдарламалық мақаласында былай деп жазады: «Бұндай іргелі ізденістердің жемісін тек мамандар ғана зерделеп, пайдаланбауы тиіс. Бұл бірегей білімді түсінікті және кең аудиторияға қолжетімді ету қажет».

Іс-шараға ҚР МСМ Туризм индустриясы комитетінің төрағасы Рыспеков Дастан Адайұлы, Л.Н. Гумилев атындағы ЕҰУ К.Ақышев атындағы археология ҒЗИ директоры., т.ғ.к. Хабдулина Марал Қалымжанқызы, Ақмола облысы Целиноград ауданы әкімінің орынбасары Айтқожинова Алма Көкішқызы, Ұлттық ат спорты федерациясының өкілдері, «Аt-travel» ат клубының қатысушылары, Ақмола облысының (Целиноград ауданы) мәдениет және тілдерді дамыту бөлімінің өкілдері, жұртшылық өкілдері қатысты. «Бозоқ» музей-қорығының ғылыми хатшысы А.С. Ганиева, т.ғ.к., ерте ортағасырлық Бозоқ қалашығы, сондай - ақ Бұзықты көлінің оңтүстік - шығыс жағалауында орналасқан XVIII ғасырдағы қазақ қыстауы археологиялық ескерткіші бойынша шолу экскурсиясын өткізді.

Нұр-Сұлтан қаласындағы «Қараөткел» тұрғын алабының солтүстігінде орналасқан «Бозоқ» археологиялық ескерткішінің аумағынан Ақмола, Павлодар, Қарағанды және Шығыс Қазақстан облыстарының киелі орындары арқылы өтетін және Шығыс Қазақстан облысының Жидебай шатқалында аяқталатын ат экспедициясы басталды.