Отырысқа Ғылыми кеңес мүшелері ретінде МАРАЛ ҚАЛЫМЖАНҚЫЗЫ, БҮРКІТБАЙ ҒЕЛМАНҰЛЫ, ЗУБАЙДА ҚАБИҚЫЗЫ, ҚАЛИОЛЛА САМАТҰЛЫ қатысты.
Ғылыми кеңес құрамына ғылыми дәрежесі бар ғылыми қызметкерлер кірді. Кеңейтілген отырысқа тарихи-мәдени бөлім мен қор сақтау бөлімінің қызметкерлері де қатыстырылды.
Отырыстың күн тәртібінде жоба нысандарының 3D визуализациясын бекіту, 2026 жылға арналған жұмыс жоспарын талқылау, қамал қабырғаларын музеефикациялау мәселелері, сондай-ақ Бозоқ қалашығы нысандарын музеефикациялаудың тұжырымдамалық тәсілдері қарастырылды.
Күн тәртібіне сәйкес жауапты тұлғалар өз бағыттары бойынша презентациялық баяндамалар жасап, жұмыстарын қорғады. Алишер Тлеугазинович Беспалинов Бозоқ қалашығының 3D визуализациялау жобасын таныстырып, жобаның мазмұны мен оның музей-қорықтың ғылыми-зерттеу және экспозициялық қызметіндегі маңызына тоқталды.
Бурбаева Сәуле Бөкейханқызы 2026 жылға арналған жылдық жұмыс жоспарын ұсынып, алдағы кезеңге жоспарланған негізгі ғылыми, мәдени-ағартушылық және музейлік іс-шаралармен таныстырды.
Қажымұрат Төлегенұлы «Қамал қабырғаларын музейлендіру мәселелері» тақырыбында баяндама жасап, тарихи нысандарды сақтау, қорғау және оларды музейлік кеңістікке енгізудің ғылыми-әдістемелік қырларын кеңінен баяндады.
Сонымен қатар, Айнагүл Сәбитқызы Ғаниева Бозоқ қалашығы нысандарын музеефикациялаудың тұжырымдамалық тәсілдері жөнінде пікір білдіріп, нысандарды кешенді түрде зерттеу мен таныстырудың маңызын атап өтті.
Отырыс барысында Ғылыми кеңес мүшелері белсенді пікір алмасып, ұсынылған мәселелер бойынша өз ой-пікірлері мен ұсыныстарын ортаға салды. Талқылау нәтижесінде бірқатар нақты ұсыныстар қабылданып, алдағы жұмыстардың бағыттары айқындалды.
